الدرس السادس : اضافة روابط تشعبيه في صفحات الــ html
السلام عليكم و رحمة الله و بركاته
أولاً : اضافة وصله تشعبيه لنص
و يأتي بالشكل التالي ..
كود:
<a href="xxxxxxx.xxx"> yyyyyy </a>
تكتب الوصلات التشعبيه .. طبعا المتغيرات الموجوده اثنين ..
الاول yyyy = تكتب بدلاً منه الكلام الذي تريد اذا ضغطت عليه يوديك لــ الرابط المحدد
الثاني xxxx = و تحط بدله الرابط الي تبيه
ثانياً : اضافة وصله تشعبيه لــ صوره
و يأتي بالشكل التالي ..
كود:
<a href="xxxxxx">
<img src="yyyyyy">
</a>
طبعاً الــمتغيرات معنا اثنين ..
الاول xxxxx = تحط بدل منه الرابط الي تبيه
الثاني yyyyy = تحط بدله رابط الصوره
الحين نقط اضافيه ..
- اضافة رابط مراسله مباشره ..
و يأتي بالشكل التالي : كود:
<a href="mailto:xxxxxx@xxxxxx"> yyyyy </a>
طبعاً تغير المتغيرات الى موجوده عندنا اثنين :
xxxxxx = الايميل الذي تريد أن ترسل له الرسائل
yyyyyy = الكلام الي تريد تحط فيه رابط المراسله
- اضافة رابط تشعبي لــ ملف موجود في نفس المجلد ..
و تأتي بالشكل التالي .. على سبيل المثال اسم الصفحه alwaleed.htm و موجوده في نفس المجلد الي فيه الصفحه الي الحين انته تشتغل فيها ..
كود:
<a href="alwaleed.htm">
لاحظوا نحطها بدون ما نحدد مكانها ..
و هذا رد على السؤال الي طرحته في الدرس الاول .. شفتوا كيف ..
تعالوا نطبق هذا كله على صفحه عشان بالمثال يتضح المقال ..
كود:
<html>
<head>
<title> الروابط التشعبيه </title>
</head>
<body>
<h1> زورونا في <a href="www.mtwer.com"> موقع مطور </a> <br>
<hr>
<h2> الوليد الراشدي </h2>
<br>
<h3> لمراسلتي اضغط <a href="mailto:alwaleed-dos@windowslive.com"> هنا </a> </h3>
</body>
</html>
و عند رؤيتها في المستعرض تكون بالشكل التالي :
بقيت حاجه وحده في الدرس ..
اضافة رابط تشعبي لجزء من الصفحه ..
و هذي هي الجزئيه الاصعب في كامل الدرس ..
ركزوا معاي تكفون ..
لما نريد نحط رابط لمكان معين في الصفحه نتبع الخطوات التاليه ..
أول حاجه نروح لاول كلمه في الفقره الي نبي نحط لها الرابط ..
كود:
<a name="xxxxxx"> yyyyy </a>
طبعا تلتزم بتغيير المتغيرات الي أنا حطيتها على النحو التالي :
xxxxxx= تسمية الجزء من الصفحه الي تبي تحطله رابط
yyyyyy= اول كلمه في الفقره
الحين عاد ركز معي كثييييير
لاحظ كيف راح نحط أمر الرابط التشعبي ..
كود:
<a href="xxxx.htm#yyyyy"> zzzzzzz </a>
عاد الحين تحط بدال المتغيرات الي انا حطيتها كالتالي :
xxxx.htm= اسم الصفحه
yyyyy= اسم الجزء من الصفحه
zzzzz= النص الذي تريد أن تضيف له الرابط التشعبي
مع الالتزام بوجود علامة الـ # اذ انه لا يتم الاكتفاء باسم الصفحه و الجزء
سؤال في نهاية الدرس :
اذا كنت تود عمل رابط تشعبي لاحدى الصفحات الموجوده لديك في نفس الملف داخل الموقع هل تستخدم طريقة اضافة الروابط التشعبيه القياسيه أم تستخدم طريقة اضافة رابط لصفحه موجوده في نفس الملف ؟؟ و ليش ؟
للتذكير : الدروس خطتها أناملي و هي محفوظة الحقوق لدى موقع مطور
و السلام عليكم و رحمة الله و بركاته
تحياتي : الوليد الراشدي
